الارشيف / اخبار الرياضه

«مش همشي من النادي».. مرتضى منصور يوجه رسالة لجهاز الزمالك الجديد: لك مني الحماية من الحكام

الشارقة - اميمة ياسر -   

تحدث مرتضى منصور، رئيس مجلس إدارة نادي الزمالك، عن كواليس التعاقد مع جهاز فني جديد، للفريق بقيادة أسامة نبيه، خلفاً للبرتغالي جيسفالدو فيريرا.

وقال مرتضى، في تصريحات تلفزيونية نقلها موقع "القاهرة 24"، إن "الجهاز الفني الجديد كله زملكاوي لو عصرتوه هيطلع زمالك، وانا لم اتدخل في عمل فيريرا المدرب السابق، ولن اتدخل في عمل أسامة نبيه."

وأضاف رئيس مجلس إدارة نادي الزمالك: "بقول اللي عاوزين يخربوا، انا اللي عملت النادي بعد ما كان خرابا، وانسى قصة رئيس النادي لأن مفيش حد هيقدر يمشينا غير ربنا والجمعية العمومية، احنا بنعمل فرع تأني جديد وبنعمل استاد للزمالك ومش راضب اعمله بأسمي، وعملنا عقد رعاية بملايين وبقول تاني انسى اننا نمشي."

وتابع: "جهاز أسامة نبيه أمام مسئولية تاريخية ولكنها مش صعبة، احنا خسرنا 19 نقطة في الدور الأول في مباريات لا نخسرها بسبب العند، والدور التاني بقى هنكسب وهنعوض ودي عاوزه لاعيبه رجالة وجماهير وفية."

وواصل مرتضى منصور: "احنا ورا الجهاز الفني الجديد ومسندينه.. وعاوزين كمان مساندة الجماهير، وقبل نهاية هذا الشهر ما فيش لاعب هيكون ليه جنيه، وسنقوم بحماية الفريق من الحكام.. وليا سؤال اشمعنى ماتشات الزمالك بس هي اللي بيتعطل فيها الفار."

ويستعد الزمالك لمواجهه فيوتشر يوم الأحد المقبل، ضمن منافسات الجولة السادسة عشر من مسابقه الممتاز، حيث يحتل الأبيض حالياً المركز الخامس برصيد 26 نقطة.