الارشيف / اخبار الرياضه

بعد رحيل المدرب البرتغالي.. مرتضى منصور: فيه حاجه غريبة حصلت لـ فيريرا

الشارقة - اميمة ياسر -   

علق مرتضى منصور، رئيس مجلس إدارة نادي الزمالك، على رحيل المدرب البرتغالي جيسفالدو فيريرا المدير الفني للفريق، وتولي أسامة نبيه تدريب الأبيض خلفًا له.

وقال منصور، على هامش اجتماع المجلس مع الجهاز الفني الجديد، إن فيريرا "شخصية محترمة ومدرب ممتاز بس فيه مشكلة، إحنا اشتغلنا معاه كتير في 2015 والجماهير طالبت بعودته مرة أخرى، وجبناه واشتغل معاه أسامة نبيه، ووفرناله جميع سبل الراحة والنجاح."

ووفقاً لموقع "القاهرة 24"، أضاف مرتضى في تصريحات عبر قناة "الزمالك": "كل الجهاز المعاون لفيريرا حاولوا بقدر المستطاع تنفيذ طلباته، ومفيش أي حجة ليه، بس فيه حاجة مش طبيعية حصلتله".

وأوضح رئيس الزمالك: "فريق الهلال السعودي اللي كسبناه قبل كده في بلده، على كأس السوبر المصري السعودي، خسرنا منه في قطر بنفس البطولة، وبعدها من الأهلي في السوبر المصري، وبعدها الخروج أمام بيراميدز في الكأس، 3 بطولات مرة واحدة، يبقى كده فيه حاجة غلط."

وتابع: "إحنا خدنا قرار رحيل فيريرا بكل عناية، من بعد مباراة الأهلي والخسارة الثقيلة بثلاثية، وأجلناه لحين انتهاء مواجهة غزل المحلة، ولو كنا قلناه قبل الماتش كانوا قالوا إحنا السبب."

وشدد مرتضى منصور: "إحنا محتاجين الجميع يقف وراء الجهاز الفني الجديد، وكل اللي بيحب الزمالك، ده وقت الدعم مش الهدم، وننتظر حضورهم في المباريات من أجل عودة النتائج مرة أخرى."

قد تقرأ أيضا